La tuta kotizo de IJS = la programkotizo + la manĝokotizo + la loĝkotizo. La sumo de la antaŭpago ne estas aparte aldonenda, la tuta kotizo enhavas jam ĝin. La programkotizo enhavas ĉiujn programojn de la renkontiĝo.

La partatempaj partoprenantoj apartenas al la 3a tempokategorio sendepende de la dato de ilia aligxo kaj antauxpago.

Grave: aliĝo validas nur post la antaŭpago!

* A-landoj estas: Aŭstrio, Belgio, Britio,  Danio,  Finnlando, Francio, Germanio, Grekio, Hispanio, Irlando, Islando, Italio, Kipro, Liĥtenŝtejno, Luksemburgo, Nederlando, Norvegio, San-Marino, Svedio, Svislando, Vatikano. Ĉiu alia estas B-lando.

** Plenitaj jaroj la unuan tagon de la aranĝo (30a de julio 2012)

Kiu okazigas programeron, tiu ricevas rabaton el sia kotizo. :-) Se vi emas kontribui, nur skribu al ni mesaĝon (eblojn vidu ĉe la langeto “Kontakto”).

Anoj de HEJ ricevas 10 EUR rabaton.

Invitilo: 5 €.

Se vi bezonas invitilon, bonvolu skribi  al ni pri tio, ĉar por sendi ĝin ni devas scii ankaŭ vian numeron kaj validectempon de via pasporto.

***

Ĝeneralaj paginformoj: vi rajtas pagi ankaŭ en hungaraj forintoj, en tiu kazo la partoprenkotizo estas kalkulita per la kurzo validanta la unuan tagon de la aranĝo (30a julio 2012)!

Jen planitaj programeroj por IJS 2012:

Aktive kaj amuze:
- koncerto de JoMo (!!!):

JoMo (Jean-Marc Leclercq) estas franca muzikisto kaj kantisto. Ekde la 80-aj jaroj li kantas en Esperanto. Li prezentas la lingvan diversecon en unika maniero: per sia muziko. Li jam kantis en pli ol 22 lingvoj (interalie ankaŭ hungare), tiel ĉi li ekhavis lokon ankaŭ en la libro de rekordoj Guiness. Liaj pluraj muzikoj iĝis tre popularaj en Esperantujo, ekzemple: Ĉu vi volas danci?, En la IJK, La Bambo! (2001)

- kazino:

Malvigle kaj ripoze:
- en Esperantujo ankoraŭ ne viditaj filmoj, kun Esperanta subteksto;
- gustumado de speciale hungaraj vinoj;
- kunkantado kaj -muzikado;
- gufujo kun sidkusenEGoj… ;-)

Aldone: ankoraŭ multe da surprizoj!

Budapeŝto: ni planas aldoni budapeŝtan urborigardadon al la programo, kiel "+1-tagon", se estos sufiĉe da interesiĝantoj pri tio. Ni cerbumas interalie pri aparta "komencanta" kaj "progresanta" vojo por malkovri la ĉefurbon (do certe neniu enuus), kaj fino de la tago estus bonfreneza (la)bambumo. Se vi volonte partoprenus tiaĵon, nepre signu tion en la aliĝilo, kaj alikaze bonvolu klarigi kialojn de via decido, tiel helpante nian teamon. Dankon! :-)

Ĉu io mankas, kaj vi povus helpi eksigi la mankon? Kontribuu al la programo, ĉu per ideoj aŭ aktive! Skribu al ni mesaĝon (eblojn vidu ĉe la langeto “Kontakto”), proponoj estas ja bonvenaj. Kaj ne forgesinde: kiu okazigas porgrameron, tiu ricevas rabaton el sia kotizo. ;-)

Ĉi tiu programaro estas nur portempa, ni ĝisdatigos ĝin kiel eble ofte.